Ikasleen profila: 2013/2014 ikasturtean DBHko 4. maila edo zientzia-batxilergoko bi ikasturteetako zeinahi egiten ari diren ikasleak; betiere, honako baldintza hauek betetzen badituzte:

• Topaketetan landuko diren gaiekin lotutako kontuetan errendimendu ona edukitzea.
• Ingeles-maila ona.

Hezkuntza-zentro bakoitzetik parte hartuko duten ikasle guztiek ez dute zertan maila edo talde berekoak izan; nolanahi ere, irakaslearen esku geratuko da aukeraketa egitea.

Webgune honetan izena ematea, irailaren 7a bitartean.

Aurretiko izen-emate hori hezkuntza-zentroak berak egin beharko du, eta ondo zehaztu beharko du zer topaketatan edo topaketetan parte hartu nahi duen.  Onartutako zentroek posta elektroniko bidez jasoko dute parte-hartzearen baieztapena.

Mezu elektronikoan adieraziko den prozedurari jarraituta. Galdetegi horretan parte-hartzaileen izen-abizenak adierazi beharko dira, eta baita ikertzaileei egin nahi dizkieten galderak zein diren ere. Informazio hori bidaltzeko azken eguna irailaren 18a izango da.

Doan da top@DIPC Zientziarekin solasean! topaketetan parte hartzea.

Parte hartuko duten zentroen aukeraketa izena eman duten hurrenkeraren arabera egingo da, topaketa bakoitzerako aurreikusitako edukiera bete arte. Ikastetxe bakoitzak topaketa batean baino gehiagotan izena eman, eta parte hartu ahal izango du; alabaina, dagoen plaza-muga dela tarteko, hezkuntza-zentro bakoitzak ikasle-talde bakarraren ordezkaritza eraman ahal izango du topaketa bakoitzera. Gainera, azken plazak esleitzean, lehentasuna emango zaie topaketa bakarrean parte hartzera doazen ikastetxeei; hartara, eskaera egiten duten hezkuntza-zentro guztiek izango dute hiru topaketetakoren batean parte hartzeko aukera.

Informazio gehiago behar izanez gero, edo zeinahi zalantza argitzeko, jar zaitez gurekin harremanetan honako helbide honetan: info-topadipc@quantum13.eu